الغسيل الكلوى يتم عن طريقين من إثنين
النوع الأول:
التوصيلات الجراحية وفيها بيتم إتصال مباشر بين الشريان والوريد لربط المريض بجهاز الغسيل. وبيحصل عند المرضي ضيق متكرر بالأوردة وأحيانا في مكان إتصال الوريد بالشريان نتيجة تعرضها للضغط العالي، ولولم يتم توسعة التضيق بالبالون ممكن تتقفل وتتجلط التوصيلة بالكامل وفي الحالة دي هيكون ملهاش فايدة لأن الغسيل هيوقف علشان يبحث الجراح عن وريد تاني.
أما في الأشعة التداخلية بيكون سهل تشخيص تضيقات التوصيلات، وبيحافظ على وصلة الغسيل أطول مدة ممكنة من خلال توسعة الضيق وبيكون سهل جدا ومش بيحتاج تنويم للمريض وكمان يقدر إنه يفتح الوريد المتجلط تماما خصوصا لو كان من مدة قريبة.
النوع الثاني:
تركيب أنابيب قسطرة الغسيل المستديمة من غير اللجوء لأي عمليات جراحية أو تنويم في المستشفى. و ده بيتم عن طريق الأشعة التدخلية و بنتأكد من مكانها بالظبط بتوجيه الموجات الصوتية و الأشعة علشان تعيش أطول فترة ممكنة بدون مضاعفات.
