إيه أسباب الغسيل الكلوى؟
في كتير من الحالات المرضية الموجودة في العالم واللي بتعاني من مشاكل في الكلى بيكون من ضمن الأسباب: الإصابة بمرض السكري، إرتفاع ضغط الدم، تكون أكياس في داخل الكلية نفسها وده اللي بيؤدي لخلل في قيام الكلية بوظيفتها الطبيعة،
وجود الأورام في الكلية، أو الحصوات في الكلية، أو حتى نتيجة تضخم غدة البروستاتا عند الرجال، الجفاف وعدم الحصول على الكميات المناسبة من الماء يوميا من أهم الأسباب الممهدة للإصابة بالفشل الكلوي.
كل الأسباب دي بتؤدي لضعف قدرة الكلية على القيام بوظيفتها بالشكل الطبيعي وممكن توقف عملها نهائيا، وفي الحالات دي بيكون غسيل الكلى أمر ضروري.
غسيل الكلى بيكون عن طريق وصلة بين الشريان و الوريد فى ذراع المريض (شانط) أو عن طريق قسطرة الغسيل المستديمة.
و الأشعة التداخلية تعمل علي الحفاظ على كفاءة وصلة الغسيل فى ذراع المريض وبتحافظ علي قسطرة الغسيل أطول فترة ممكنة.
