لحد فترة قريبة كان علاج تضخم البروستاتا الحميد عن طريق أسلوبين رئيسين وهما العلاج بالأدوية والعلاج عن طريق الإستئصال الجراحي وإزالة الجزء المتضخم عن طريق المنظار
وفي حالة فشل المنظار الجراحي أو التضخم الكبير لغدة البروستاتا كان الحل هو إستئصال البروستاتا بالكامل عن طريق فتح البطن، ودي فيها بتكون نسبة الخطر علي المريض عالية جدا.
لكن دلوقتي يعتبر العلاج بالأشعة التداخلية هو أحدث وأامن الطرق في علاج تضخم البروستاتا الحميد وبتعتمد علي القسطرة العلاجية تماما زي اللي بتستخدم في علاج شرايين القلب، ولكن في الحالة دي يتم حقن وسد الشرايين المغذية للجزء المتخضم في البروستاتا بحبيبات طبية وده اللي بيؤدي لضمور الجزء المتضخم وبتختفي الأعراض وبكده بنحافظ علي باقي الغدة سليمة.
وبتتميزعملية القسطرة بالأمان علي المريض ومناسبتها لكبار السن وإنها بتحافظ علي القدرة الجنسية والخصوبة علي عكس اللي بيحصل مع الإستئصال الجراحي. وبتكون نسبة نجاح العملية عالية جدا بتصل إلي 90 %.