في العمليات الجراحية التقليدية كان الجراح بيفتح البطن علشان يشوف المشكلة المرضية بعينيه وبيشتغل بإيديه. ومع التطور ظهرت المناظير وبدأ إستخدامها في العمليات من خلال إن الجراح كان بيعمل 3 فتحات في الجسم كان بيدخل الكاميرا في فتحة وبيدخل الأدوات الجراحية في الفتحات التانية وكان بيشتغل من برة لأنه بيقدر يشوف المشكلة الجراحية من خلال الكاميرا. وأخيرا ظهرت الأشعة التداخلية وبتكون من خلال فتحة واحدة بيدخل فيها الجراح القسطرة من غير ما يستخدم إيده ولا أي أدوات جراحية لأنه بيقدر يشوف من خلال الأشعة عن طريق جهاز الأشعة.

مميزات عملية الأشعة التداخلية:
11- معظم عملياتها عمليات يوم واحد و أغلبها بيغادر فيها المريض المستشفى فى نفس اليوم أو اليوم اللي بعده.
2- المريض مش بيحتاج تخدير كلى فى معظم عملياتها.
3- أقل ألم من الجراحة.
4- أقل نسبة مضاعفات.
5- أقل فترة نقاهة.
66- المريض/المريضة بيقدروا يرجعوا للعمل وممارسة نشاطهم فى فترة قصيرة جدا.